Forgjafamál

Forgjafamál eru í höndum formanns forgjafanefndar, Hafþórs B. Guðmundssonar. Þeir sem þurfa að ná í hann vegna fjorgjafar sinnar eða fá upplýsingar er bent á netfangið hans hbg@hi.is eða í síma 663-6300. 
 

Hvernig fæ ég forgjöf?

Til þess að fá forgjöf verður leikmaður að vera í golfklúbbi og hafa greitt árgjaldið, skila inn þremur skorkortum til forgjafarnefndar (skrifstofu/ í skála) af viðurkenndum velli. Fyllið kortið út skýrt og greinilega með nafni kennitölu og síma, dagsetningu og samanlögðu skori. Munið að skrá aðeins einn hring á hvert skorkort. Nauðsynlegt er að ritari kortsins kvitti á skorkortið ásamt spilara. Síðan verður haft samband við viðkomandi þegar forgjöfin liggur fyrir.

Hér er hægt að sjá golfreglur í stuttu máli: Golfreglur (pdf)

Hér eru svo breytingar sem gerðar voru á golfreglunum

Hér er svo allt um lögleg "Teigtré"

Hér á eftir eru helstu atriði sem vert er að vita varðandi Stableford punktaútreikning og hækkanir og lækkanir samkvæmt EGA forgjafarútreikningi.

Skráning á skori

Hver kylfingur ber ábyrgð á að forgjöf sín sé rétt skráð. Leikmenn í forgjafarflokki 2. til 5. mega nota æfingaskor til forgjafarútreiknings svo fremi að golfreglum sé fylgt að öllu leyti. Ekki er þörf fyrir leikmenn í þessum forgjafarflokkum að taka sérstaklega þátt í móti eða tilkynna sérstaklega ætli leikmaður að spila til forgjafar. Leikmenn í 1. forgjafarflokki mega hins vegar ekki nota æfingaskor til forgjafarútreiknings.

Stableford punktar

Stableford punktar eru veittir á eftirfarandi hátt miðað við nettóskor á hverri holu, þ.e. brúttóskor leikmanns að frádreginni forgjöf á hverri holu fyrir sig.

Breyting forgjafar, hækkun, lækkun og gráa svæðið.

Skili maður gildu skori með færri punktum en "gráa svæðinu" nemur eða skili engu skori, skal hækka EGA grunnforgjöf hans um 0,1 í forgjafarflokkum 1 til 4 og um 0,2 í forgjafarflokki 5.

Skili leikmaður inn gildu skori með 37 punktum eða fleiri skal EGA grunnforgjöf hans lækka um ákveðna tölu vegna hvers punkts umfram 36. Eftirfarandi forgjafarflokkar ráða því hver sú tala er.

Hækkun og lækkun forgjafar tekur gildi samstundis.

Dæmi: Skili leikmaður með 11.2 í forgjöf skori með 25 punktum verður EGA forgjöf hans 11.3 á eftir. Skili hann síðan inn skori með 42 punktum lækkar EGA forgjöfin hans strax um 1.2 eða í 10.1. (42 - 36 = 6) 6 sinnum 0.2.

Breyting milli flokka

Lækki EGA grunnforgjöf úr hærri forgjafarflokki í lægri skal fyrst lækka hana samkvæmt hærri flokknum þar til skiptir um flokk, en reikna síðan samkvæmt ákvæðum um lægri flokkinnn.

Munið að forgjöf er alvarlegt mál sem ber að virða og halda í heiðri eins vel og hverjum er mögulegt. Leikmaður ber sjálfur ábyrgð á að forgjöf sé samkvæmt getu hverju sinni. Golf er byggt á heiðri hvers og eins þar sem hver leikmaður er sífellt að keppa við sjálfan sig um betri árangur. Röng forgjöf gefur ekki rétta mynd af getu þinni og er því óheiðarlegt að halda henni ekki rétt við samviskusamlega bæði gagnvart sjálfum þér og ekki síður gagnvart meðspilurum þínum.